خبر:                                                       

د هالند ښي اړخی افراطي سیاستوال ګریټ ویلډرز د دغه هېواد په ټاکنو کې د اسلام ضد برنامو لپاره کمپاین کوي او د مارچ په ۱۲مه د امریکا په کانګرس کې له آیووا ایالت څخه د جمهوري غوښتونکي ګوند غړي استیو کینگ هم د ده د توکمپالنې له اجنډا څخه د ملاتړ غوښتنه وکړه او ويې ویل: «ګریټ ویلډرز پوهیږی چې فرهنګ او نفوس زموږ برخلیک ټاکي. موږ د نورو په ماشومانو خپل تمدن په پښو نه شو درولای.» د نوموړي دا غوښتنه د مخالف ډیموکرات ګوند غړو وغندله، د بېلګې په توګه د استازو د مجلس د اقلیت مشر نانسی پلوسي د کینګ نظریات «ناولې توکمپالنه» وبلل، چې هغه په مناسبو ټولنو کې هېڅ ځای نه لري، خو د امریکا په کانګریس کې کم شمېر شته. پر دې سربیره د نوموړي د خپل ګوند ځینو غړو هم د هغه پر څرګندونو نیوکې وکړې، خو زیاتو يې ملاتړ وکړ. د کینګ دا ډول ناولې توکمپالنه  ښیي چې د هغه پر اساس ډونالډ ټرمپ په امریکا کې واک ته ورسېد. 

تبصره:  

کله چې د امریکا د یو وکیل وايي چې «موږ د نورو په ماشومانو خپل تمدن په پښو نه شو درولای» نوموړی تر  ټولو وړاندې دا مني چې تمدن یې له زوال سره مخ دی او که نه وی نو په پښو درولو ته یې اړتیا نه وه. د اروپایي هېوادونو د نفوس پژندنې په اړه مطالعې ښودلې، چې په زیږیدنه کې کموالی راغلی. داسې اټکل کیږي چې دا به اقتصاد په ټپه ودروي او په راتلونکو لسیزو کې به یې له رکود سره مخ کړي، خو یوازې دوامداره کډوالي د دوی نفوس زیاتولای شي، له دې پرته بله چاره نه لري. په هالنډ کې د ویلډرز، په امریکا کې د کینګ، ټرمپ او نورو محافظه کارانو،  په فرانسه کې د مارین لوپن اندېښنې او په لویدیځه نړۍ کې د افراطي نظریاتو هڅول موږ ته دا په ډاګه کوي چې دوی په دې باور دي چې خپل فرهنګ یې دومره قوي نه دی چې د نورو خلکو او نژادونو څخه اغېزمن نه شي، په ځانګړې توګه له مسلمانانو څخه. کینګ مخکې هم خلک دې ته هڅولي وو چې که غواړئ غربي نړۍ تغیر ونه کړي، نو د زیږدنې شمېره باید لوړه شي.    

د جهموري غوښتونکو په ملي غونډه کې کینګ وویل: زه له تاسو څخه غواړم چې د تیر تاریخ په اړه فکر وکړئ او په ډاګه کړئ چې چېرې دي هغه ګډې هڅې چې د بلې ډلې د کسانو له لوري کیدې او تاسو یې په اړه خبرې کولې؟ چېرې دي بل ګروپ خلک چې د تمدن په پراختیا کې ډېره ونډه درلوده؟ هغه وویل چې د دې ریښې له لویدیځې اروپا، ختیځې اروپا، د امریکا د متحده ایالاتو او له نورو هغو ځایونو څخه سرچینه اخلي، چې هلته عسویان اوسیږې. د کینګ له نظره غربي تمدن یوازینی سم او پرمختللی تمدن دی او عسویت یې جوهر دی. دا په داسې حال کې ده چې عسویت د زوال لوري ته روان دی او اسلام د دواړو اړخونو هم د نفوس او هم د ایدیالوژۍ له اړخه پیاوړی کیږي.

که څه هم کینګ د عسویت په اهمیت ټینګار وکړ او د ځینو محافظه کارو سیاستوالو له لوري دا ډول نظریات په امریکا کې په پراخه توګه تیت شوي هم دي، خو بیا هم عظمت ته د رسېدو لپاره  په مجموع کې څوک کومې موافقې ته نه دي رسیدلي، نو له دې امله د امریکا په ټاکنو کې د ټرامپ دا شعار چې «موږ به امریکا بیا عظمت ته ورسوو»، د امریکا په بهرنیو او کورنیو پالیسیو کې یې له ګډوډي پرته، بل هېڅ هم ونه کړل. سیکولرېستي مفکوره چې دین له شخصي نظریاتو کښته او له سیاسي چارو څخه جلا بولي، د پانګوالۍ د نظام د اوږد مهاله پاتې کېدو لپاره یې ښه کښت نه دی کړی. په دې سیستم د بې باوره کېدو له امله دوی د نوي قانون د تصویب غوښتنه کوي، ترڅو له خپلو هېوادونو څخه کډوال وباسي او اروپایې هېوادونو ته د داخلېدو اجازه ورنه کړي. په امریکا کې حتی د مکزیک خلک اروپایی فرهنګ ته یو ګواښ بولي، سره له دې چې امریکایانو ته ورته یهودي او اروپایي میراث لري. په اروپا کې بريتانيا د تېښتې په حالت کې ده او بریتانیا د سكاټلنډ د جلا کېدو له ګواښ سره مخ ده او ځینې نور هېوادونه په اروپایې اتحادیه کې د خپل راتلونکي په اړه اندېښمن دي، دا په داسې حال کې ده چې افراطي ډلې ژمنه کوي چې د اسلامي خاورو په اشغالولو سره به په خپلو هېوادونو کې عزتمن شي. کېنګ په خپلو خبرو کې وویل: «موږ د نورو په ماشومانو خپل تمدن په پښو نه شو درولای» دا له بهرنیو ماشومانو د دوی وېره ښیي. دا چاره په تاریخ کې یوازې یو ځل تجربه شوې او هغه مهال وه، چې د مصر فرعون ټول اسراييلي نارینه ماشومان مړه کړل. دې کار فرعون ته ښې پایلې نه درلودې او اوس به هم دغو ښي اړخو افراطي خوځښتونو ته ښه پایله ونه لري، چې ډارېږې او وایي: «نفوس زموږ برخلیک دي».   

د حزب التحریر مرکزي مطبوعاتي دفتر ته

ډاکټر عبدالله روبېن